Novo podcast ECOTOX para celebrar o Día Mundial do Medio Ambiente

Para celebrar o Día Mundial do Medio Ambiente, o profesor Ricardo Beiras realizou unha entrevista sobre os efectos dos plásticos no medio mariño. Fuxindo de mensaxes alarmistas, asegura que a inxestión de peixe e marisco "non é a principal vía de transmisión dos microplásticos ao ser humano", aínda que advirte do risco que representan para os organismos os compoñentes químicos e os aditivos. Os polímeros "están presentes en todos os ámbitos da nosa vida, non só no mar". Ademais, chama a atención sobre a necesidade de manter un equilibrio "entre a concienciación do problema da presenza de plásticos en mares e océanos co envío de mensaxes preocupantes sobre a seguridade alimentaria".